یازده نپر شه بهاییان به امنیت ملی خلاپی بند و بستا محکوم بوتنت. دادگستری سرُکَ شنت آوان گُ سرکِشکِیان دانشگاه رادگ کنگا امنیت ملیا را نَهِرِش داته. هنگه پکایان حالی به دستا نیست که امنیت ملیا، شِی حبرا، چنکه هِرز کرته. بلینا منتگین رَندَ شنت که امنیت ملی هر وخت بهاییانی پاد میانجینا بیت باز هرزی کنت. تا جای که شه بهایی شیپول کنگا هم هرزی کرته. نظام که امنیت ملی همی نجسین هادتا زانت دیمترا بهاییانی کبرستانانا خرابی کرت که امنیت ملی هرز مکنت. گُ اِنکه بوتنا حیرتِ جایانت که چون بُرِی بهایی جست بَیَنت گُ جبر و مثلثات و فضاییان هندسهوا آ هم کِشکِی سرا کپنت به امنیت ملی جانا! مگه می امنیت ملی چنکه جُن داریت که هنون فیثاغورث و لاوازیه هم بکپنت به جانی؟
Archive for the ‘بلوچی’ Category
وش هاتات
تاریان گسِی جوڑ کنگ مثل پراستیان گسِی جوڑ کناگاینت. آدا که وتی کَبرا و ڈگارا گوجتات و دو کو ٹیات پرینت تا لاتین وقت شه بی پولیا سرین راستا نکنی. ته ملکموتات بارت هر هری وتی سرا جالَ پرینیت و تی بی درو دروازگین سراهی تها پوتریت. تاریان گسا هم که دلت ترکت و رادگت کرت بستگی داریت به تی زانت کاریا. بازین جایِ کپ و کلنڈ مانیت و یا هی که جوڑ بینت. به «همنکسا راضی بیت» من «جٹوییان» وعده داتَ نکنین.
پکرن کرت هنون که دهسال وبلاگ لکی دپ و دستا هست گهترنت که دست و پادی دراج کنین تا که وبلاگا گهتر و مروچیتر بکنین. شه کتاب بخشا که برزا چپین نیمگا هست هم غافل مبهت. وانگ، نوانگش پروای نیست بلینا دومین حصه بزان کیمت دیم دیگش باز لایکین کاری هستنت.
زانت و دقت
په چیریان سوجا، شه داتگن گچینان یکی را که گهترنات گچین بکنت:
سوج:
حسین خضری کی هتات؟
1- تقیابن جعفرابن حسینالخضری کسی هتات که گُ حضرت خضر ملاقات بوت و آیی نامدار بوت به حسین خضری. آ بزرگوارا به امام جعفر صادقی زمانا زندگی کرت.
2- حلیمالسلطنه حسین خضری ناصرالدین شاه گوندین براست که ناصرالدین شاه آرا گﮣو کرت و کشتی.
3- تیمسار سرلشکر حسین خضری شه یرانی وطنپرستین افسرانت که ممد رضاشهی حکومت رستن درگتا اعدام بوت.
4- نامارُن اُشکته؛ بلینا نزانین کیانت.
درستین جواب:
حسین خضری بیست و هشت سالگین کردی هتت که مروچی به ارومیه اعدام بوت.
********
********
*******
عزتمندین واجه و حاتونان
منتگ مبهت. پارسی شنت ماهیا هر وقت شه آپا بگره تازگنت. زانین من بلوچی نوشتنا دیر شروع کرته بلینا منی کوشش همیشنت که جبران بکنین. زانین منی بلوچی خوب نیست. زانین که بیت شه اردو فانتان استفاده کنین. زانین بازینی شه کلماتان که من به کار برین بلوچی نیستانت و زانین که مشما رقم رقم بلوچی هبر دین په همیشا من زحمت وانتن و یوتوبی سرا هشتنارا هم به عهده گپته. شپ و روچ نان و آپی پدا جستن وقتی هم په گشترین جهدا نلیت. نظر داتنا را من شه مروچی پاچ هشته که دوستان په غیر بلوچیان حبران کلمه پیشنهاد بکننت. فقط منا بخشایت که من شه اردو فانتا اصلاً خوشونه نیت و ابداً حاضر نیستن آوانا استفاده بکنین. منی دلیل هم نژاد پرستانه نیست فقط اردوی فانت به منی نظرا شه لحاظ هنری خوبصورت نیست انت. من په وقتی صرفه جوییا شه مروچی وانگ و یوتوبی سری هشتنا قطع کنین. لطفاً نظر بدهت که آ کار چنکه ضروری هست. زانین توار باز خوب نیست بلین یه فنی کاری هست و ربط ودی کنت به ساند کارت و منی کامپیوترا که انشا الله وقتی ﮣوه بوتن و پولدار در موردی حتمن اقدام کنین.
بی حرمتی به دولت و ملت اگانستان
جمهوری اسلامیا شه اوگانستان دولتا لوٹتهی که وتی ملکی مردمانا که جمهوری اسلامی خلافا کابلی تها، یرانِ سفارتی دیما مظاهرهاش کرته دستگر و بندی بکنت!
واجه کرزی هم مثل یدگه اوگانان که یِ حبرا هوشکتی سک غضبی کرت و لوٹتی تلفنا بزوریت و شه وتی ڈنیان ملکی وزیرا سوج کنت که بارین ایرانی سفیرا را به وتی دفترا لوٹاینتهی و اوگانستان ملت و دولتی اعتراضا براییای رسنتهای و شایی لوٹتهای که زوتِ آرا به وتی ملکی سَرُکان حال بدنت و براوان بگوشیت مگه گُ وتی پسه گماشتوا هبر دیت؟ اگه پاگ واجه نیستات گڈا ادب داشته بهت…
بلینا یک گشتا آیی هوشا هات که ایران و اگانستانی رابطه «پُررین کیپ و صندوخِ» رابطهانت. پمیشا شیطانا را لعنتی کرت و گوشتی:
خیرانت یه ده نفر گِرَگ هم باز ٹوهین هبری نیست
نظامِ جواب به عفو بینالمللا
عفو بینالمللا در رابطه گُ شیوا نظرآهاری و هاتونین ستودهای حکما گوشت که جمهوری اسلامیا عدالتا را چرک کرته
واجهین عفو بینالملل! اخه ته شه وت نظامِی داشته که بزانی یِدویان سیا سران چی می سرا هاورته؟ جنین آدم به اسلام تها ٹوهین جای داریت. برای هنجی تا ٹوهین مرد رودنت. بهشتی برا ٹوهی برایی پادانی چیراینت. گڈا یِدُوینان چی کرته؟ وبلاگی نوشتن هم بوت کار؟ چهاردا نگ پروندها بلی وتی بگلی چیرا و بروه دادگاها بوت حیا؟ ته چه بینالملل هستی که دخالت کنه به یک مملکت اسلامی، ولایی، مکتبیِ داخلی کارانی تها؟ ته په ما شه بخششا حبری دیه؟ ما مردم داشته شه دشمنی سینگ سرا چست بوته که مبادا آرا شه خشمی سرا بکشیت! ما اگه وتی دشمنی سرا هم برن بایدنت که بهندن. همی شیوا سرگ بوته کمیته دفاع شه سیاسیان زندانیانی حکا! مگه ما زندانی سیاسی دارن که یه آوانی کمیته سرگ بیت؟ شرم هم خوبین چیزیانت. اخه حر! مگه می اساسی قانونی تها چیزی به نام جرم سیاسی هست؟ واجهین قانون اساسی! به قمر بنیهاشم، به حضرت عباس، به تنگین لونٹان شهید کربلایی سوگند که همی ستوده وتی چادر زرته و ویدیویین کُلَه په ٹنیان حقوق بشر نشتا دیم داته. واجه یشان نظام چاربندارا لرزنته. ما آوانی چدرا به زندانی تها در کارن. به عدالت اصلا نعلت کنانت. ما په نظامی نجات دیگا به هر چیزِ که شه بشرا بگندن دست پرینان.
بِرگشتن به امامِ گڈا
به پدیان سه هفتگ تها جمهوری اسلامیاشصت و چهار نفرا اعدام کرته. دیمترا نظاما کمی شه امام دوران طلاییا فاصله گپتت و اعدام بوُکانی نامی اولین کلمهوا اعلامی کرت اما حضرت رهبر سرپد بوت که یِ دشمنی کارانت. آیی انتخاباتِ شرا را خاموشِ کرت و گُوَتی آخوندیان انتخابا به امامی طلایین دورانا بِرگشت. هنون گِردِ اعدام، فرق نکنت کجای ایران انجام بَیَنت بی نان و نشان انجام بینت و فقط آوانی حال و یه که قانونی مسیر و دادگاها شتتنت اعلام بیت. البت یه کمی شه امام گڈا فرق کنت و بایدنت که بی یشی که خبری شا مُرداران اعلام بیت آوانا برنت دورا شه مسلمانانی کبرستان گودالی تا پرننت بلینا یه حضرت رهبر پاگ واجهیانت شما هم حبری مدهت. هر کس شه شما که ناراض هست، آزاتی سرا تهرانی تها حضرت رهبرِ دفترا و شهرانی تها برایی نمایندگ دفترا برَوَنت! منالله توفیق
هادی خرسندی
هادی خرسندیا من شه گُوَنڈُکیا درسته کنین. خوشی جاهنت که آیی آختا دور شه من پایتختی تها زندگی کرت! بعدترا که من آیی هم سن بوتن آرا برایی گسی تها به لندن دیستُن و سرپد بوتن آ باز شای که من پکر کرت ٹوهترینت. آ دورانا که من ادمنتونی تها هتتن و ماهتاک اصغرآقایی اوج نامداری و نشرت واجه خرسندی گُ بازین مهری منی مطلبانا گوتی طزِّ وشیا هور کرت و آوانا آنکه وانگی کرتی که من اول وتی نوشتانکانا وانت. به بازین سفری که به آمریکای قاره وا داشتهایی مدام منا وتی میاری کرته و برزگا وتی کنگا لو ٹاینتهای. همی کارا را چنکه گشت وتی کامپیوتری هینکینا کورتهای. یگشتی هم منی ناما را گُواجه داکتر رحیمی صاحبا هوری کرته و منا شرمندگی کرته. من هم نوشته نوشت که برایی وتی منت واری و وشحالیا برسینین.
وزیر و آخوندیان حبر
اطلاعاتِی وزیرا وتی حال وحبریان نشتا گوشت وزارت اطلاعات به موسادی دم و دستگاهِی تها هِزِته. یکی بری آخوندا بگوشی که یِرنگین حالانا مردم نباید کوکار کنت. موساد دمی و دستگاه اگه دکانِی هم بیت، سی که بیت، اطلاعاتِی چگولانا ودی کنت و گیرتاش. یه واجهها شه ودی بیگ بازین باندِی حال دادت که یکِی شاوان خدابیامرزِین مسعود علیمحمدا کشتَتِاش. گندت که خداوند تبارک و تعالی یه آخوندا را که باید به کوهِی تا مسیتِی پیشنماز بوتن ویلا یرانِی ٹویِان ملکِی وزیر نکرته. یِ واجها که مروچی په یکِی شه موسوی طرفدارانی قاتلِ ودی کنگا تا موسادی دم و دستگاهِی تها نفوذ کرته حتمن باندا ته وزارت اطلاعاتِی تها هم نفوذ کنت و آیی گوهارزاکِی قاتلا هم ودییَ کنت. و به جهان مردمان و شما نشان دنت که آیی حبر با اینکه وِیلین و بی تامین معلوم بیَانت بلینا خُوَندیانانت
خوبِین نظام و بدِین هوا
یک روچ پدا شه ایران ایری بوئینگی کپتِنا، پٹُ و لُٹان نتیجه دات و راه و ترابریِ وزیرا گُوَشت هچ فنیان نقصِی نبوته بلکین رِٹِین جویان حالت اصلیان مقصرانت. به منی نظرا اگه ملک گِرد پ ٹُ و لو ٹانا به وزارت راه و ترابریا بدیانت، ملکِی مشکل زودتر حل و فصل بینات و چیرین چیز درشان بینت. رِٹِین جویان حالتا هم راست شیت. جویان حالات به دنیای تها حوک جل کنانت. به بازین شهری به کانادایی تها که زمستانا جویان حالات گنُکَ بَیَنت هوایی جاز هچ چِسته نبیَنت و گُ سِسو وان بال کنانت و روانت به گرمان ملکان. دِیریپا ب یروپِ ملکانی تها به کوهستگ و برپیان جاهان ورزشکاران وترا گُ حر و یِ دگه چارپادان به اسکی پیستانا رسیننت. به منی نظرا وزیر راه گُ عطوفت مکتبی برخورد کرته که گرد تقصیرانا پرِین تَیی به رِٹِین جویان حالتِ سرا. اگه پروندها په وزارت دادگستریا دیم بدانت صادق لاریجانی شه قوه قضائیه وت واجهیا استفاده کنت و مردگ و زندگِین مساپرانی په لاتِین جست و پرس و یِ که پچی به سیاهِین زمستانا په ارومیه رادگ بوتگانت به دادگاها لو ٹایِنت.
هاتونِین ستودهای حکم
شما روچی که هاتونِین ستوده وکیل بوت کراری ملی دلترک بوت. هر چنکه که هاتونِین ستوده گِیشترِین وکالتِی ذمهواریا زرتی کراری ملی مرکیترَ بوت. یِ پدا کراری ملی بی دل و دماغ بوتات و هچ وتی لنگوٹهها نبستی. بلینا هاتونین ستوده ول نکرت و مدام به کراری ملی خلافا کارِی کرت و شیرین عبادی ، عیسی سحرخیز، کیوان صمیمی، محمد صدیق کبودوند، عاطفه نبوی، خدیجه مقدم، احمد نجاتی کارگر پرونده وکالتا زورتی. تا ادا هنگه کراری ملیا وترا داشت. ساندیسِی وارت و ولاحولِی وانت و وتی حکومتِی کرت. بلین هاتونِین ستوده آرش رحمانی که پادشاهی انجمن باسکی هتات هم آیی وکالتا زرتی! و گُ یِ وتی کار جتی به کراری ملی گوشی تها. هنگه امنیت ملی په واجه رهبر و واجه صادق لاریجانی خاطرا هیچی نگُوَشت. گُٹا هاتونِین ستوده وتی چارقد در کرت و په ٹنی حقوق بشری نشت و نیادان ویدیویی کُله دیمیدات. کراری ملی گجی کُرت. غشی کرت. حوزه میانجینا چپی کپت شروع کرت دست و پادی جتِنا. په مِشا دولتِ ماموران هاتونِین ستوده بندی کرت و هنون مروچی آرا همی جرمانی سرا سازده سال جیلی حکم و بیست سال وکالت نکنگِی سزا دات. تا که بیچارگِین کراری ملی بتوانت وتی عبا و عمامه گُورا بکنت و راحتی سرا حکومت بکنت
نظامِ ترس و حمله به اشرف
عراقی فوج! په ترتیب و کائده! به وتی هاکِی تها به اشرفی هِین کِینا حمله کرته و گُ باز بهترین سلاحا مثل سنگ و هاجرا جنگارا شروع کرته. بری جنگی تها نزدیک دوصد نفر ٹپی بوته که پرُشتگِین سر شه گرد ٹپیان گشترانت. یِ راستین حبری که هنونیان وقتا عراقی سرُگ و رهبران نتوانانت وتی لمپانا پاک کنانت و وتی شلوارا بالا جنانت و په وتی داشتنا شه وتی ترو زاک و ناکوزاگان مَدَتَ گِرنت. اما یِ کشور فوج گُ کمکا «دیگه فوجیانی» توانت لاتِن ٹاک و ٹیک راه پرِینیت. بلینا اگه بغدادی دو جاها به یکوقتا لاتین توپکی داد و بیداد کنت گُٹان عراقی فوجی به یرانی سفارتا پترنات و عراقی سرُگ گُ شیپُلا آمریکا و انگریز هوایی نیروا په بمبارانا توارَ کنانت. آ نیرو هم پهریشا که نان و نِمِک و نفت گیر مبَیَنت شوتی براس و سنگتان دفاع کنانت.
یِ حال هنگت به بعضی رادیو و حقوق بشریان جهدکارانی گوشا نرسته. اگه برستِین حتمن آرا گزارش و محکومش کرت
گسیان کلیساوان و دُزُکیان مسیتان
پدیان درگتا تبشیریان مسیحیانی غِر کنگ وقت رسته. یِ کاری اجازههارا حضرت رهبرا وقتِی دات که به وتی قمی سپرا به گسیان کلیساوانی باز بیگا اشارهای کرت.
من شه یِشی که پچیوا مسیحیان به تهرانی تها به گسیان کلیساوان رو هاورته بِی خبرن؛ ولینا خبر دارین سنی یان هم به تهرانی تها به دُزُکیان مسیتان پناهِش برته. ممکنانت بری محترمِین مسیحییان هم اجازهاش نداته وتی عبادتگاها جوٹ بکنانت و مثل سنییان به آوان همش گُوَشته: اگه ٹونکی شمی کوشانیتا نیست و منظورو واقی عبادتانت گو ٹا بیایت مِی تکیه و حسینیه و مسیتانی تها، آخوندانی پشتا اقتدا بکنات و قربتن الیالله بِگُوَشِت. البته وت به سیستان و بلوچستانی تها که سروچِیرِنت شه عبادگاها به جندِی کوشانی تهِش بازین ٹونکی هتت و به هر ده و کلگِی بُری مسیتاش جوٹ کورت و آوانی تها بازین آخوندِش هشت که غیر شه عبادتا بازین حکومتیان شَدَپیِ و وظیفه هم دارانت و کنانت.
تهرانی تها اگه دُزُکیان سنییانی مسیتانا گیر بیارنت شنت وهابیانی مرکزانت و گُ ٹنیان ملکان ارتباطاش هست و به خلاپا وحدت شیعه و سنی حرکتاش کرته و گٹا به هما جرم بلوچستانی تها بازینی را گرنانت و کشنت. هنون باید بگندن گو یه همی مسیحیان هم ملکییان چونَ کنانت و تا کجا وتی اسپا تاچینانت.